kahani se aage ki kahani...

kahani se aage ki kahani....


Ek feri wale jo topi becha karta tha aur bandron ki kahani to
bachpan mein aap sab logo ne suni hogi. Agar kisi ne nahi suni to ,
mien suna deta hun.
                      "Ek bar ek feri wala topi bech rha tha. Topi
bechte bechte feri wala thak gya .Isliye sram karne ke liye ek pedh
ke neeche beth gya. Us pedh par kafi bandar rehte the. Jab feri wala
so gya to bandaron ne uski sari topiyan nikal kar pehan li aur pedh
par chad gye. Jab feri wale ki neend tooti to ye dekh kar dukhi hua.
par feri wala chalak tha use pta tha ki bandar nakalchi hote hain.
Isliye usne apne sir par pehni utar kar fenk di. Ye dekh kar sare
bandron ne bhi aisa hi kiya . feri wale ne sari topiyan ikkthi ki
aur apne raste chal diya. Bandar bechare use dekhte reh gye..."
                 
                     Ye to thi ab tak ki kahani, ye hum sabne sun
rakhi rakhi thi. Par ye kahani abhi khatam nahi hui. Bollywood movie
ki trah is kahani ka bhi sequel hai. Sun na chaoge,,, To chalo mein
tumhe sunata hun.

               " Ek din us feriwale ka koi pota topiyan bechte bechte
usi pedh ke neeche aa pahuncha.thake hone ki vajah se wo bhi aaram
karne laga .uske sath bhi vahi sab hua. bandaron ne uski sari topiyan
nikal kar pehan li aur pedh par chad gye. jab feriwala jaga to bandron
ko dekh kar hairaan hua. Par usne apne dada se kahani sun rakhi thi ki
kaise usne bandron ko bewkuf banaya tha. usne bhi same trick istmal ki
aur apni topi utar kar fenk di. Par is bar ye dekh kar ek bandar pedh
se utar kar neeche aaya aur feriwale ke kan par ek thappad mara aur bola,
" sale hamare dadaon ki bewkufi wali kahani kya sirf tere dada ne tujhe
sunayi thi kya ?".....Is trah is bar bandar baazi mar gye aur feri wala
dekhta reh gya.
             
    Ye thi kahani se aage ki kahani. Abhi ke liye bas itna hi . Fir milenge
Ek nayi kahani ke saath.
               
                *****bye****